Jump to Navigation

കാസറഗോഡ് ജില്ല -ഇ-ഗവേണന്‍സ്

-ഗവേണന്‍സ് സംവിധാനത്തെ ഫലപ്രദമായി ഉപയോഗപ്പെടുത്തി കൊണ്ട് സേവനപ്രദാനം പൌരകേന്ദ്രീകൃതമാക്കുന്നതിനുള്ള ഫലവത്തായ ശ്രമങ്ങള്‍ നടത്തിക്കൊണ്ടിരിക്കുകയാണ് കേരളത്തിലെ തദ്ദേശ സ്വയം ഭരണ സ്ഥാപനങ്ങള്‍. ജനങ്ങള്‍ക്ക് നല്‍കുന്ന വിവിധ സേവനങ്ങൾ ഓണ്‍ലൈനിലേക്ക് മാറ്റുന്നതിന് ഇതിനോടകം സാധിച്ചിട്ടുണ്ട്. ജനന മരണ വിവാഹ രജിസ്ട്രേഷനും, സര്‍ട്ടിഫിക്കറ്റുകൾ ലഭ്യമാക്കലും ഓൺലൈനാക്കി മാറ്റിയിട്ടുണ്ട്. സാമൂഹ്യ സുരക്ഷാ പെന്‍ഷൻ സംബന്ധിച്ച എല്ലാ വിവരങ്ങളും ഓണ്‍ലൈനിൽ ലഭ്യമാണ്. കെട്ടിട ഉടമസ്ഥാവകാശ സാക്ഷ്യപത്രങ്ങൾ, നികുതി യഥാസമയം അടച്ചിട്ടുള്ള ഏതൊരാൾക്കും ഓൺലൈനിൽ ലഭ്യമാണ്. ഇപ്പോൾ വസ്തുനികുതി ഓൺലൈനായി അടക്കുന്നതിനുള്ള ഇ-പേയ്മെന്റ് സംവിധാനവും ഏർപ്പടുത്തി വരികയാണ്. അതിന്റെ ഭാഗമായി കാസറഗോഡ് ജില്ലയിലെ എല്ലാ തദ്ദേശ സ്വയം ഭരണ സ്ഥാപനങ്ങളും ഇ പേയ്മെന്റ് സംവിധാനം ഏർപ്പടുത്തിക്കഴിഞ്ഞു. കൂടാതെ കെട്ടിട നിർമ്മാണ പെർമിറ്റുകൾ സമയബന്ധിതമായും സുതാര്യമായും നൽകുന്നതിന്റെ ഭാഗമായി ഐ.കെ.എം വികസിപ്പിച്ച സങ്കേതം എന്ന സോഫ്റ്റ് വെയറും കാസറഗോഡ് ജില്ലയിലെ എല്ലാ തദ്ദേശ സ്വയം ഭരണ സ്ഥാപനങ്ങളിലും കഴിഞ്ഞ മെയ് മാസം മുതൽ ഏർപ്പടുത്തിക്കഴിഞ്ഞു. തദ്ദേശ സ്വയം ഭരണ സ്ഥാപനങ്ങളിലെ യോഗനടപടികളുടെ ഡിജിറ്റലൈസേഷൻ കഴിഞ്ഞ വർഷം തന്നെ കാസറഗോഡ് ജില്ല ഏർപ്പടുത്തിയിട്ടുണ്ട്. തദ്ദേശ സ്വയം ഭരണ സ്ഥാപനങ്ങളിലെ എല്ലാ സേവനങ്ങളും പ്രവർത്തനങ്ങളും കൈവിരൽ തുമ്പിൽ എത്തിക്കുക എന്ന ലക്ഷ്യവുമായി സമഗ്ര ഇ-ഗവേണന്‍സ് സംവിധാനം ഏർപ്പടുത്തുന്നതിനുള്ള നടപടികളുമായി സർക്കാർ മുന്നോട്ട് പോവുകയാണ്. ഈ സാഹചര്യത്തിൽ കാസറഗോഡ് ജില്ലയിലെ എല്ലാ തദ്ദേശ സ്വയം ഭരണ സ്ഥാപനങ്ങളും വസ്തുനികുതി ഇ-പേയ്മെന്റ് സംവിധാനം ഏർപ്പടുത്തിയതിന്റേയും കെട്ടിട നിർമ്മാണ പെർമിറ്റ് ഓണ്‍ലൈൻ ആക്കിയതിന്റേയും പ്രഖ്യാപനം തദ്ദേശ സ്വയം ഭരണ വകുപ്പ് മന്ത്രി നടത്തി




Main menu 2