Archives

പോരൂര്‍ ഗ്രാമപഞ്ചായത്തിലെ ജനന-മരണ-വിവാഹ രജിസ്ട്രേഷന്‍ റിക്കാര്‍ഡുകളുടെ ഡിജിറ്റൈസേഷന്‍ പൂര്‍ത്തീകരണത്തിന്റെയും വിവാഹ രജിസ്ട്രേഷന്‍ ഇ-ഫയലിംഗ് സംവിധാനത്തിന്റെയും പ്രഖ്യാപനം ബഹു.കേരള പട്ടികജാതി-വിനോദസഞ്ചാര വകുപ്പ് മന്ത്രി ശ്രീ.എ.പി.അനില്‍കുമാര്‍ 2013 ഫെബ്രുവരി 23 ഉച്ചക്ക് 2.30 ന് ഗ്രാമപഞ്ചായത്ത് ഹാളില്‍ വച്ച് നിര്‍വഹിക്കുന്നു.

പെരിന്തല്‍മണ്ണ നഗരസഭയില്‍ വസ്തു നികുതി ഓണ്‍ലൈന്‍ വഴി അടക്കാവുന്ന സംവിധാനം യാഥാര്‍ത്ഥ്യമാവുകയാണ്. വസ്തുനികുതി ഇ-പെയ്മെന്‍റ് സംവിധാനമുള്ള മലപ്പുറം ജില്ലയിലെ ആദ്യത്തേതും,സംസ്ഥാനത്തെ 7-ാമത്തെ നഗരസഭ എന്ന ബഹുമതിയും ഇതോടെ പെരിന്തല്‍മണ്ണ നഗരസഭ കരസ്ഥമാക്കി. ഇന്‍ഫര്‍മേഷന്‍ കേരള മിഷന്റെ സാങ്കേതിക സഹായത്തോടുകൂടിയാണ് ഈ നേട്ടം കൈവരിച്ചത്. ഈ ആധുനിക സംവിധാനത്തിന്റെയും 2012-2013 വാര്‍ഷിക പദ്ധതിയുടെയും നിര്‍വ്വഹണ ഉദ്ഘാടനം ഒരുമിച്ച് 2013 ഫെബ്രുവരി 11ന് രാവിലെ 10 മണിക്ക് പെരിന്തല്‍മണ്ണ നഗരസഭ വൈസ്‌ ചെയര്‍മാന്‍ എം.മുഹമ്മദ്‌ സലിമിന്റെ അദ്ധ്യക്ഷതയില്‍ ടൌണ്‍ഹാളില്‍ വെച്ച് നടന്നു.

ഒരു തദ്ദേശസ്വയഭരണ സ്ഥാപനത്തിന്‍റെ വികസന പ്രക്രിയയില്‍ ഏറെയും മരാമത്ത് പ്രോജക്റ്റുകളോ, മരാമത്ത് പ്രവ്യത്തികള്‍ ഉള്‍‌ക്കൊള്ളുന്ന മറ്റു വികസന മേഖലയിലെ പ്രോജക്റ്റുകളോ ആയിരിക്കും. ഒരു മരാമത്ത് പ്രവ്യത്തി രൂപപ്പെടുന്നതിനും നടപ്പിലാക്കുന്നതിനും ഒട്ടേറെ നടപ്ടിക്രമങ്ങള്‍ പാലിക്കേണ്ടതുണ്ട്.