Jump to Navigation

തദ്ദേശസ്വയംഭരണവകുപ്പ് ഔദ്യോഗിക വെബ്സൈറ്റിന്‍റെ പ്രസക്തി

ഇന്‍ഫര്‍മേഷന്‍ കേരളാ മിഷന്‍റെ നേതൃത്വത്തില്‍ രൂപീകരിച്ച് പ്രവര്‍ത്തനക്ഷമമാക്കിയിട്ടുള്ള തദ്ദേശസ്വയംഭരണവകുപ്പിന്‍റെ ഔദ്യോഗിക വെബ്സൈറ്റായ www.lsgkerala.gov.in ന്‍റെ ഉപഭോക്താക്കളുടെ എണ്ണം മുന്‍കാലങ്ങളെ അപേക്ഷിച്ച് ഗണ്യമായി വര്‍ദ്ധിച്ചിട്ടുണ്ട്. പൊതുജനങ്ങള്‍, ഉദ്യോഗസ്ഥര്‍, വിദ്യാര്‍ത്ഥികള്‍ എന്നിവരുള്‍പ്പെടെ ഈ വെബ്സൈറ്റ് സന്ദര്‍ശിക്കുന്നവരുടെ എണ്ണം ദിനംപ്രതി വര്‍ദ്ധിച്ചുവരുന്നു. മുന്‍ വര്‍ഷങ്ങളുമായി താരതമ്യം ചെയ്യുമ്പോള്‍ 2012 ല്‍ 34.06% വര്‍ദ്ധനവ് ഉണ്ടായിട്ടുണ്ട്. ഭൂമിശാസ്ത്രപരമായ വിവരങ്ങള്‍, ജനസംഖ്യാ കണക്കുകള്‍, തെരഞ്ഞെടുപ്പുവിവരങ്ങള്‍, പ്രാദേശിക കലാ സാംസ്കാരിക വിശേഷങ്ങള്‍, പ്രാദേശിക ചരിത്രം തുടങ്ങി വൈവിദ്ധ്യങ്ങളായ ബൃഹത്തായ വിവരങ്ങളുടെ ശേഖരമാണ് പ്രസ്തുത വെബ്സൈറ്റ്. സര്‍ക്കാര്‍ ഉത്തരവുകള്‍, ടെണ്ടറുകള്‍, ഔദ്യോഗിക അറിയിപ്പുകള്‍, പ്രോവിഡന്‍റ് ഫണ്ട് വിശദാംശങ്ങള്‍, പദ്ധതി വിവരങ്ങള്‍, ജനന-മരണ രജിസ്ട്രേഷന്‍ വിവരങ്ങള്‍ എന്നിങ്ങനെ നിരവധി ഔദ്യോഗിക വിവരങ്ങള്‍ വെബ്സൈറ്റില്‍ ലഭ്യമാണ്. ഇന്‍ഫര്‍മേഷന്‍ കേരളാ മിഷന്‍ രൂപകല്‍പ്പന ചെയ്തിട്ടുള്ള എല്ലാ ഓണ്‍ലൈന്‍ സര്‍വ്വീസുകളുടെയും പ്രധാന പോര്‍ട്ടലായി ഇത് പ്രവര്‍ത്തിക്കുന്നു. ഇതിലൂടെ ജനന-മരണ-വിവാഹ സര്‍ട്ടിഫിക്കറ്റുകള്‍, വസ്തു നികുതിയുടെ ഇ-പേയ്മെന്‍റ്, ഉടമസ്ഥാവകാശ സര്‍ട്ടിഫിക്കറ്റ്, ഫയലുകളുടെ തല്‍സ്ഥിതി സംബന്ധമായ വിവരങ്ങള്‍, സാമൂഹ്യസുരക്ഷാപെന്‍ഷനുകളുടെ വിതരണവുമായി ബന്ധപ്പെട്ട വിവരങ്ങള്‍ തുടങ്ങി വിവിധ സേവനങ്ങള്‍ പൊതുജനങ്ങള്‍ക്ക് ലഭ്യമാകുന്നുണ്ട്.



Main menu 2