സങ്കേതം - കെട്ടിട നിര്‍മ്മാണ പെര്‍മിറ്റുകള്‍ കൈകാര്യം ചെയ്യുന്നതിനുള്ള ആപ്ലിക്കേഷന്‍
കെട്ടിട നിര്‍മ്മാണ പെര്‍മിറ്റുകള്‍ കൈകാര്യം ചെയ്യുന്നതിനുള്ള സങ്കേതം ആപ്ലിക്കേഷനില്‍ ആര്‍ക്കിടെക്ച്ചര്‍ രജിസ്ട്രേഷനും കെട്ടിട പെര്‍മിറ്റിനും വേണ്ടി അപേക്ഷ സമര്‍പ്പിക്കുന്നതിനുള്ള ഇ-ഫയലിംഗ് സംവിധാനം കൂടി ഉള്‍പ്പെടുത്തി വികസിപ്പിക്കുകയും ചെക്ക്ലിസ്റ്റ് ഓട്ടോമാറ്റ് ചെയ്യുകയും ചെയ്തിട്ടുണ്ട്. നവീകരിച്ച ആപ്ലിക്കേഷന്‍ പൈലറ്റ് അടിസ്ഥാനത്തില്‍ എറണാകുളം ജില്ലയിലെ കളമശ്ശേരി മുനിസിപ്പാലിറ്റിയില്‍ വിന്യസിപ്പിച്ചിട്ടുണ്ട്. സൂചിക (ഫയല്‍ ട്രാക്കിംഗ്), സാംഖ്യ (ഡബിള്‍ എന്‍ട്രി അക്കൗണ്ടിംഗ്) എന്നീ ആപ്ലിക്കേഷനുകളുമായി സംയോജിച്ചാണ് സങ്കേതം പ്രവര്‍ത്തിച്ചുവരുന്നത്. പൈലറ്റടിസ്ഥാനത്തില്‍ വിന്യസിച്ചിട്ടുള്ളതിന്‍റെ വെളിച്ചത്തില്‍ താമസിയാതെ തന്നെ മുഴുവന്‍ തദ്ദേശഭരണസ്ഥാപനങ്ങളിലും പ്രസ്തുത ആപ്ലിക്കേഷന്‍ വിന്യസിപ്പിക്കുന്നതാണ്. എഞ്ചിനീയര്‍മാര്‍ക്ക്/ആര്‍ക്കിടെക്ച്ചര്‍മാര്‍ക്ക് സങ്കേതം ആപ്ലിക്കേഷനിലൂടെ ഓണ്‍ലൈനായി ലൈസന്‍സിനുവേണ്ടി അപേക്ഷിക്കാവുന്നതാണ്. അപേക്ഷകള്‍ അംഗീകരിച്ച് ലൈസന്‍സ് നല്‍കുന്നത് റീജിയണല്‍ ജോയിന്‍റ് ഡയറക്ടറാണ്. ഇത്തരത്തില്‍ റീജിയണല്‍ ജോയിന്‍റ് ഡയറക്ടറില്‍നിന്നും അംഗീകാരം ലഭിച്ചിട്ടുള്ള എഞ്ചിനീയര്‍മാര്‍ക്ക്/ആര്‍ക്കിടെക്ച്ചര്‍മാര്‍ക്ക് ഓണ്‍ലൈനായി കെട്ടിട പെര്‍മിറ്റിന് അപേക്ഷിക്കാവുന്നതാണ്.
http://www.lsgkerala.gov.in/kmbr
- Log in to post comments
- 2491 reads