സുലേഖ സോഫ്റ്റ്വെയറിലൂടെ ഒന്നരലക്ഷത്തോളം പ്രോജക്ടുകളുടെ രേഖപ്പെടുത്തല്‍

പന്ത്രണ്ടാം പഞ്ചവത്സര പദ്ധതിയിലെ പദ്ധതി രൂപീകരണം മുതല്‍ നിര്‍വ്വഹണം വരെയുള്ള വിവിധ ഘട്ടങ്ങള്‍ ഓണ്‍ലൈനായി നടപ്പാക്കുന്നതിനുള്ള വെബ് അധിഷ്ഠിത സുലേഖ സോഫ്റ്റ്വെയറില്‍ പദ്ധതി നിര്‍വ്വഹണവുമായി ബന്ധപ്പെട്ട് പഞ്ചായത്തുകളുടെ ഒന്നരലക്ഷത്തോളം പ്രോജക്ടുകള്‍ രേഖപ്പെടുത്തി. മുമ്പൊരുകാലത്തും ഇത്രയും സുതാര്യത ഇക്കാര്യത്തില്‍ ഉണ്ടായിട്ടില്ലെന്നും, എല്ലാ പ്രോജക്ടുകള്‍ക്കും അംഗീകാരം ലഭിക്കുന്ന പഞ്ചായത്തുകള്‍ക്കും ബ്ലോക്കുകള്‍ക്കും ഇന്‍സെന്‍റീവ് നല്‍കുമെന്നും, പദ്ധതി നിര്‍വ്വഹണം കുറച്ചുകൂടി വേഗത്തിലാക്കാന്‍ കഴിയുമെന്നും ബഹു. പഞ്ചായത്ത് സാമൂഹ്യക്ഷേമ വകുപ്പു മന്ത്രി ഡോ.എം.കെ മുനീര്‍ പത്രസമ്മേളനത്തിലൂടെ അറിയിച്ചു. www.plan.lsgkerala.gov.in എന്ന വെബ്സൈറ്റിലൂടെ പദ്ധതികളുടെ രൂപീകരണം മുതല്‍ നിര്‍വ്വഹണം വരെയുള്ള വിവരങ്ങളും, തയ്യാറാക്കിയതും അംഗീകരിച്ചതുമായ പദ്ധതികളുടെ വിശദാംശങ്ങളും അധികാരപ്പെട്ടവര്‍ക്ക് ലോഗിനിലൂടെ അറിയാന്‍ കഴിയുന്നതാണ്.