സുഗമ സോഫ്റ്റ്‌വെയര്‍ ആമുഖം
ഒരു തദ്ദേശസ്വയഭരണ സ്ഥാപനത്തിന്‍റെ വികസന പ്രക്രിയയില്‍ ഏറെയും മരാമത്ത് പ്രോജക്റ്റുകളോ, മരാമത്ത് പ്രവ്യത്തികള്‍ ഉള്‍‌ക്കൊള്ളുന്ന മറ്റു വികസന മേഖലയിലെ പ്രോജക്റ്റുകളോ ആയിരിക്കും. ഒരു മരാമത്ത് പ്രവ്യത്തി രൂപപ്പെടുന്നതിനും നടപ്പിലാക്കുന്നതിനും ഒട്ടേറെ നടപ്ടിക്രമങ്ങള്‍ പാലിക്കേണ്ടതുണ്ട്.
- ഇന്‍വസ്റ്റിഗേഷന്‍ നടത്തി രൂപകല്‍പന ചെയ്ത് വിശദമായ ഡ്രായിംഗ് തയ്യാറാക്കുക.
- വിശദമായ എസ്റ്റിമേറ്റ് തയ്യാറാക്കി നിര്‍മ്മാണത്തിന് വേണ്ടി വരുന്ന തുക എത്രയാണെന്ന് നിശ്ചയിക്കുക.
- പ്രോജക്റ്റ് അനുമതിയും സാങ്കേതികാനുമതിയും ലഭ്യമാക്കുക.
- നിര്‍മ്മാണ ഏജന്‍സിയെ നിശ്ചയിച്ചു നടപടിക്രമങ്ങള്‍ പാലിച്ച് അവരുമായി കരാറില്‍ ഏര്‍‌പ്പെടുക.
- നിര്‍മ്മാണം നടത്തേണ്ട സ്ഥലം (Site) നിര്‍മ്മാണ ഏജന്‍സിയ്ക്ക് കൈമാറി നിര്‍മ്മാണം നടത്തിക്കുക.
- അളവുകള്‍ രേഖപ്പെടുത്തുക.
- ബില്‍ തയ്യാറാക്കി പണം നല്‍കുക.
മുകളില്‍ വിവരിച്ച നടപടിക്രമങ്ങളില്‍ വിശദമായ എസ്റ്റിമേറ്റ് തയ്യാറാകുന്നതു മുതല്‍ ബില്‍ തയ്യാറാക്കി പണം നല്‍ക്കുന്നതുവരെയുള്ള നിര്‍മ്മാണ പ്രക്രിയകള്‍ ഉള്‍‌ക്കൊള്ളുന്നതാണ് സുഗമ സോഫ്റ്റ്‌വെയര്‍
മറ്റേതൊരു സോഫ്റ്റ്‌വെയറിലുമെന്ന പോലെ സുഗമ സോഫ്റ്റ്‌വെയറിനും യൂസര്‍ നെയിമും പാസ്സവേഡും ഉപയോഗിച്ച് ലോഗിന്‍ ചെയ്യേണ്ടതുണ്ട്. അതിനുശേഷം എസ്റ്റിമേറ്റ് തയ്യാറാക്കേണ്ട പ്രോജക്റ്റ് സംബന്ധമായ പൊതുവിവരങ്ങള്‍ രേഖപ്പെടുത്തുന്നതിനായി വര്‍ക്ക് മെനു തെരഞ്ഞെടുക്കണം. വര്‍ക്ക് മെനുവില്‍ ആവശ്യമായ വിവരങ്ങള്‍ രേഖപ്പെടുത്തി സേവ് ചെയ്യണം. അതിനുശേഷം ഡീറ്റയില്‍ഡ് എസ്റ്റിമേറ്റ് മെനുവില്‍ ക്ലിക്ക് ചെയ്ത് പ്രവേശിക്കുക. ഇവിടെ വര്‍ക്ക് സംബന്ധമായി വേണ്ടി വരുന്ന എല്ലാ ഇനം പ്രവ്യത്തി സംബന്ധമായ സെപ്സിഫിക്കേഷനും ഉള്ക്കൊള്ളിച്ചിട്ടുണ്ട്. ഇതിനുവേണ്ടി സര്‍ക്കാര്‍ അംഗീക്യത ഡാറ്റാബുക്കിലുള്ള 17 അദ്ധ്യായങ്ങള്‍ ഓരോ കാറ്റഗറിയായും അതിലുളള ഓരോ ഇനം പ്രവ്യത്തിയും സബ് കാറ്റഗറിയും ഉള്ക്കൊള്ളിച്ചിട്ടുണ്ട്. ഇതുകൂടാതെ IRC സെപ്സിഫിക്കേഷന്‍ ഉള്‍‌പ്പെടെ പൊതുവെ ആവശ്യമാണെന്ന് കണ്ടിട്ടുള്ള വിവിധ ഇനങ്ങളും ഉള്‍‌പ്പെടുത്തിയിട്ടുണ്ട്. എന്നു മാത്രമല്ല മേല്‍പ്പറഞ്ഞതിലൊന്നും ഉള്‍‌പ്പെടാത്ത പുതിയ ഇനം പ്രവ്യത്തിയും എസ്റ്റിമേറ്റില്‍ ഉള്‍‌ക്കൊള്ളിക്കാവുന്നതാണ്.
എസ്റ്റിമേറ്റ് അളവുകള്‍ രേഖപ്പെടുത്താനുളള സ്ക്രീനില്‍ അളവുസംബന്ധമായ ഡിസ്ക്രിപ്പിഷന്‍ (ഉദാഹരണമായി മെയിന്‍വാള്‍, പാര്‍ട്ടീഷന്‍ വാള്‍ എന്നിവപ്പോലെ) നല്‌കി അളവുകള്‍ രേഖപ്പെടുത്തുക. ഇപ്രകാരം ഒരു സെപ്സിഫിക്കേഷനില്‍ വരുന്ന എല്ലാ അളവുകളും രേഖപ്പെടുത്തി സേവ് ചെയ്യണം. ഈ വിധം ഒരു വര്‍ക്കിന് വേണ്ട എല്ലാ ഇനം പ്രവ്യത്തിയുടേയും അളവുകള്‍ രേഖപ്പെടുത്തേണ്ടതാണ്.
അളവുകള്‍ രേഖപ്പെടുത്തികഴിഞ്ഞാല്‍ യഥാര്‍ത്ഥത്തില്‍ എന്‍ജീനീയറുടെ ജോലി കഴിഞ്ഞു എന്നുപറയാം. എല്ലാ ഇനം പ്രവ്യത്തിയുടേയും ഡാറ്റായും അബ്സട്രാറ്റും, വര്‍ക്ക് ഷെഡ്യൂളും കംപ്യൂട്ടറില്‍ലഭ്യമാകും. ഇവിടെ നാം മനസ്സില്ലാക്കേണ്ട ഒരു കാര്യം നിരക്കുകള്‍ സംബന്ധിച്ചുള്ളതാണ്. ജോലി സംബന്ധമായ പൊതുവിവരങ്ങള്‍ രേഖപ്പെടുത്തേണ്ട വര്‍ക്ക് മെനുവില്‍, നിര്‍മ്മാണ ഏജന്‍സിയെ നാം തെരഞ്ഞെടുക്കേണ്ടതുണ്ട്. കരാറുകാരാണ് നിര്‍മ്മാണ ഏജന്‍സിയെങ്കില്‍ എസ്റ്റിമേറ്റിലെ നിരക്കുകളില്‍ കരാറുകാരന്റെ ലാഭവും ഉള്‍പ്പെടണം. സന്നദ്ധസംഘടനകളാണെങ്കില്‍ അത് ഒഴിവാക്കണം. നിര്‍മ്മാണ ഏജന്‍സിയെ അനുസരിച്ചായിരിക്കും നമ്മുക്ക് കിട്ടുന്ന നിരക്കുകള്‍. ഓരോ ഇനം പ്രവ്യത്തിയുടെ നിരക്കുകള്‍ നമ്മുക്ക് പ്രെത്യേകം പ്രെത്യേകം വേണമെന്നുണ്ടെങ്കില്‍ എസ്റ്റിമേറ്റില്‍ ഉള്‍‌പ്പെട്ട ഓരോ ഇനം പ്രവ്യത്തിയും തെരഞ്ഞെടുത്ത് നിരക്കുകള്‍ നിശ്ചയിക്കുകയും ആവാം.
ഒരു എസ്റ്റിമേറ്റ് തയ്യാറാക്കുന്ന പ്രക്രിയയില്‍ വളരെ പ്രധാനപ്പെട്ട ഇനമാണ് എസ്റ്റിമേറ്റ് റിപ്പോര്‍ട്ട്. ഇതിനുവേണ്ട സംവിധാനവും വര്‍ക്ക് മെനുവില്‍ ഉണ്ട്.
ഒരു എസ്റ്റിമേറ്റിന് സാങ്കേതികാനുമതി നല്‍കുന്നതിന്റെ അഭിവാജ്യ ഘടകപ്രവ്യത്തികളാണ് എസിറ്റ്മേറ്റ് തയ്യാറാക്കലും, പരിശോധനയും സാങ്കേതികാനുമതിയും. സുഗമ സോഫ്റ്റ്‌വെയറില്‍ ഈ വിഭിന്ന പ്രവ്യത്തിയുടെ ചുമതലക്കാരെ (ഉപയോക്താക്കളെ) താഴെ വിവരിക്കുന്ന പ്രകാരം തരംതിരിച്ചിരിക്കുന്നു.
- ഓപ്പറേറ്റര്‍ - എസ്റ്റിമേറ്റ് തയ്യാറാക്കുന്ന ചുമതലക്കാരന്‍
- വെരിഫെയര്‍ - എസ്റ്റിമേറ്റ് പരിശോധിക്കാന്‍ ചുമതലപ്പെട്ടയാള്‍
- അപ്രൂവര്‍ - സാങ്കേതികാനുമതി നല്‍കുന്നയാള്‍.
മേല്‍ വിവരിച്ച ചുമതലകള്‍ നിശ്ചയിച്ച് കംപ്യൂട്ടറില്‍ അതിനുവേണ്ട സംവിധാനം ഒരുക്കുന്ന അഡിമിനിസ്ട്രേറ്ററാണ് മറ്റൊരു ഉപയോക്താവ്.
മരാമത്തു വിഭാഗത്തില്‍ എസ്റ്റിമേറ്റിന് സാങ്കേതികാനുമതി നല്‍കുന്നതിന് 3 ലക്ഷം രൂപവരെ അസിസന്‍റ് എക്സിക്യൂട്ടീവ് എന്‍ജിനീയര്‍ക്കും, 15 ലക്ഷം രൂപവരെ എക്സിക്യൂട്ടീവ് എന്‍ജിനീയര്‍ക്കും, 45 ലക്ഷം രൂപവരെ സൂപ്രണ്ടിംഗ് എന്‍ജിനീയര്‍ക്കും. 200 ലക്ഷം രൂപ വരെ ചീഫ് എന്‍ജിനീയര്‍ക്കുമാണ് അധികാരം. അപ്പോള്‍ അസിസന്‍റ് എക്സിക്യൂട്ടീവ് എന്‍ജിനീയര്‍ 3 ലക്ഷം രൂപവരെയുള്ള എസ്റ്റിമേറ്റിന് അപ്രൂവര്‍ ആയും, അതിന് മുകളില്‍ തുകയുള്ള എസ്റ്റിമേറ്റിന് വെരിഫെയര്‍ ആയും പ്രവര്‍ത്തിക്കേണ്ടി വരും. ഇതുപ്പോലെ എക്സിക്യൂട്ടീവ് എന്‍ജിനീയറും, സൂപ്രണ്ടിംഗ് എന്‍ജിനീയറും അവരവരുടെ സാങ്കേതികാനുമതി പരിധിക്കുള്ളിലെ എസ്റ്റിമേറ്റുകള്‍ക്ക് അപ്രൂവറായും പരിധിക്കുമുകളിലുളളവയ്ക്ക് വെരിഫെയറായും വര്‍ത്തിക്കേണ്ടി വരും.
ഓപ്പറേറ്റര്‍ ഒരു എസ്റ്റിമേറ്റ് തയ്യാറാക്കി പരിശോധനയ്ക്കും സാങ്കേതികാനുമതിക്കുമായി തന്റെ മേലധികാരികള്‍ക്ക് കൈമാറിയതായി കംപ്യൂട്ടറില്‍ രേഖപ്പെടുത്തിയാല്‍ പിന്നീട് ആ എസ്റ്റിമേറ്റ് തിരിച്ചെടുക്കുവാനോ മാറ്റം വരുത്തുവാനോ ഓപ്പറേറ്റര്‍ക്ക് സാധിക്കുന്നതല്ല. മേലധികാരി തെറ്റുകള്‍ തിരുത്തുവാനോ മാറ്റം വരുത്തുവാനോ നിര്‍‌ദ്ദേശിച്ച് തിരിച്ചു നല്‍കിയാല്‍ മാത്രമേ ഓപ്പറേറ്റര്‍ക്ക് ആ എസ്റ്റിമേറ്റില്‍ പ്രവേശിക്കാനും മാറ്റങ്ങള്‍ വരുത്തുവാനും സാധിക്കുകയുള്ളൂ. അതുപ്പോലെ എക്സിക്യൂട്ടിവ് എന്‍ജിനീയര്‍ തലത്തില്‍ സാങ്കേതികാനുമതി നന്‍‌കേണ്ട ഒരു എസ്റ്റിമേറ്റ് പരിശോധിച്ച് അസിസ്റ്റന്റ് എക്സിക്യൂട്ടിവ് എന്‍ജിനീയര്‍, എക്സിക്യൂട്ടിവ് എന്‍ജിനീയര്‍ തലത്തിലേക്ക് മാറ്റം ചെയ്താല്‍ ആ എസ്റ്റിമേറ്റില്‍ മാറ്റം വരുത്തുവാനോ കൂട്ടിച്ചേര്‍ക്കുവാനോ വെരിഫെയര്‍ ആയ അസിസ്റ്റന്റ് എക്സിക്യൂട്ടിവ് എന്‍ജിനീയര്‍ക്ക് കഴിയുന്നതല്ല. ഈ നിബന്ധന സൂപ്രണ്ടിംഗ് എന്‍ജിനീയര്‍ അപ്രൂവര്‍ ആയ എസ്റ്റിമേറ്റിന് വെരിഫെയറായ എക്സിക്യൂട്ടിവ് എന്‍ജിനീയര്‍ക്കും ചീഫ്എന്‍ജിനീയര്‍ അപ്രൂവര്‍ ആയ എസ്റ്റിമേറ്റിന്‍റെ കാര്യത്തില്‍ വെയിഫെയറായ സൂപ്രണ്ടിംഗ് എന്‍ജിനീയര്‍ക്കും ബാധകമാണ്. സാങ്കേതികാനുമതി നല്കാനായി എസ്റ്റിമേറ്റ് പരിശോധിച്ച അപ്രൂവര്‍ കംപ്യൂട്ടറില്‍ ലഭ്യമായ സാങ്കേതികാനുമതി രേഖയില്‍ പ്രവേശിച്ച് പൂരിപ്പിച്ച് അംഗീകരിച്ച് കഴിയുമ്പോള്‍ സാങ്കേതികാനുമതി ആയി കഴിഞ്ഞു. സാങ്കേതികാനുമതി രേഖയോടൊപ്പം അംഗീകരിക്കപ്പെട്ട ഡീറ്റയില്‍ഡ് എസ്റ്റിമേറ്റ്, ഡാറ്റ, അബ്സ്ട്രാക്റ്റ് ഓഫ് എസ്റ്റിമേറ്റ് , എസ്റ്റിമേറ്റ് റിപ്പോര്‍ട്ട്, ഡ്രായിംഗുകള്‍ എന്നിവ ഉള്പ്പെട്ടതാണ് സാങ്കേതികാനുമതി ലഭിച്ച എസ്റ്റിമേറ്റ്.
സാങ്കേതികാനുമതി ലഭിച്ചുകഴിഞ്ഞാല്‍ നിര്‍മ്മാണ ഏജന്‍സിയെ തെരഞ്ഞെടുത്ത് കരാറില്‍ ഏര്‍‌പ്പെടുക എന്നതാണ് അടുത്ത നടപടി ക്രമം. നിര്‍മ്മാണ ഏജന്‍സി ഗുണഭോക്തൃ സമിതികളാണങ്കില്‍ അതിന്‍റെ കണ്‍വീനര്‍ക്ക് സെലക്ക്ഷന്‍ നോട്ടീസ് ഡൌണ്‍ലോഡ് ചെയ്ത് അയച്ചുകൊടുക്കാം. ടെന്‍ഡര്‍ മുഖാന്തിരം നിര്‍മ്മാണം നടത്താനുള്ള പ്രോജക്ടുകളുടെ ടെന്‍ഡര്‍ നോട്ടീസ്, ടെന്‍ഡര്‍ ഫാറവും അതിനോടനുബന്ധമായ വര്‍ക്ക് ഷെഡ്യൂളും ഫാറങ്ങളും ഒക്കെ സുഗമ ഉപയോഗിച്ച് ലഭ്യമാക്കാം. സമര്‍പ്പിക്കപ്പെടുന്ന ടെന്‍ഡറുകളുടെ ഓപ്പണിംഗിനോട് ബന്ധപ്പെട്ട നടപടികളും ടെന്‍ഡര്‍ പരിശോധനയും ടാബുലേഷനും ഒക്കെ സുഗമമാക്കും വിധമാണ് സോഫ്റ്റ് വെയര്‍ രൂപകല്‍പ്പന ചെയ്തിരിക്കുന്നത്. അര്‍ഹതപ്പെട്ട ടെന്‍ഡര്‍, കൌണ്‍സിലില്‍ വച്ച് അംഗീകാരം ലഭിച്ചാല്‍ സെലക്ക്ഷന്‍ നോട്ടീസ് , സെക്കൂരിറ്റി ഡെപ്പോസിറ്റ് ഉള്‍‌പ്പെടെ കരാറില്‍ ഏര്‍‌പ്പെടാനുള്ള റെക്കോഡുകള്‍ എല്ലാം സുഗമയില്‍ ലഭ്യമാണ്. ഈ പ്രക്രിയ, പ്രവൃര്‍ത്തി നടത്താനുള്ള സ്ഥലം (സൈറ്റ്) , കരാറുകാരന് കൈമാറുന്നതുവരെയുള്ള നടപടികള്‍ ഉള്പ്പെട്ടതാണ്.
മെഷര്മെന്റ് രേഖപ്പെടുത്തലും ബില്ല് തയ്യാറാക്കലും
എന്‍ജീനീയര്‍മാരുടെ ജോലി ഭാരം ലഘൂകരിക്കുന്നതില്‍ നല്ലൊരു പങ്കാണ് മെഷര്മെന്റ് റിക്കോഡ് ചെയ്യുന്നതിലൂടെ ബില്‍ തയ്യാറാക്കി, പാസാക്കി പണം നല്‍കാന്‍ കഴിയുന്ന സുഗമ സോഫ്റ്റ‌വെയറിലെ സംവിധാനങ്ങള്‍. നിര്‍മ്മാണ ഘട്ടം പുരോഗമിക്കുന്നതിനനുസരിച്ച് ഒരോ ഇനം പ്രവര്‍ത്തിയുടേയും, എന്‍ജിനീയര്‍ രേഖപ്പെടുത്തുന്ന അളവുകള്‍ കംപ്യൂട്ടറിലെ മെഷര്മെന്റ് സ്ക്രിനിലേക്ക് ഫീഡ് ചെയ്യല്‍, ചെയ്ത ജോലിയുടെ ക്വോണ്ടിറ്റി കാല്‍ക്കുലേഷന്‍, ബില്‍ തയ്യാറാക്കല്‍, പാസാക്കി സാംഖ്യ സോഫ്റ്റ് വെയറിലൂടെ പണം നല്‍കല്‍ എന്നിവ ഞൊടിയിടയില്‍ സുഗമ സോഫ്റ്റ് വെയര്‍ നിര്‍വ്വഹിക്കും.
നിര്‍മാണ പ്രക്രീയയില്‍ വേണ്ടിവരുന്ന എക്സ്ട്രാ വര്‍ക്കുകളുടെ നിരക്കുകള്‍ തയ്യാറാക്കുക, റിവൈസ്ഡ് എസ്റ്റിമേറ്റ് തയ്യാറാക്കുക തുടങ്ങിയ നടപടികളും സുഗമയില്‍ ഉണ്ട്.
സുഗമ ആപ്ലിക്കേഷനിലൂടെ ഒരു പ്രോജക്റ്റിന് ചെലവിടുന്ന സാധനങ്ങളുടെ കണക്ക് , തൊഴിലാളികളെ സംബന്ധിച്ച് തരം തിരിച്ചുള്ള വിവരങ്ങള്‍, അസ്സറ്റ് (asset) സംബന്ധിച്ചുള്ള വിവരങ്ങളൊക്കെ വിരല്‍ത്തുമ്പില്‍ ലഭ്യമാകും. കൂടാതെ പദ്ധതി നിര്‍വ്വഹണവുമായി ബന്ധപ്പെട്ട സുലേഖ, സാംഖ്യ, സചിത്ര തുടങ്ങിയ സോഫ്റ്റ്‌വെയറുമായി സുഗമ ലിങ്ക് ചെയ്യുന്നതിലൂടെ ആസൂത്രണ പ്രക്രിയയില്‍ ഒരു സുപ്രധാന കാല്‍‌വെയ്പ്പ്കൂടിയാകും. സചിത്ര സുഗമയുമായി ലിങ്ക് ചെയ്യുന്നതിലൂടെ പ്രാദേശിക ഗവണ്‍മെന്റുകളിലെ ആസ്തികളുടെ ക്യത്യതയും പരിപാലനവും കുറ്റമറ്റ രീതിയില്‍ നിര്‍വഹിക്കാന്‍ കഴിയും. ചുരുക്കത്തില്‍ എന്‍ജിനീയര്‍മാരുടെ ജോലിഭാരം കുറയുന്നതോടൊപ്പം കാര്യഷമവും ഗുണമേന്മ ഉറപ്പാക്കുന്നതും സുതാര്യമായ ഒരു നിര്‍മ്മാണ പ്രക്രിയക്ക് സുഗമ സോഫ്റ്റ്‌വെയര്‍ വഴിയൊരുക്കും.
- 1324 reads