Jump to Navigation

ആലുവ മുനിസിപ്പാലിറ്റിയില്‍ ഇ-പെയ്മെന്റ് സംവിധാനം നിലവില്‍ വന്നു

കെട്ടിട നികുതി ഇ-പെയ്മെന്റ് മുഖേന അടക്കുന്നതിന്റെ ജില്ലാ തലത്തിലുള്ള ഉദ്ഘാടനം ആലുവ മുനിസിപ്പാലിറ്റിയില്‍ ബഹു: പൊതുമരാമത്ത് വകുപ്പ് മന്ത്രി ശ്രീ. ഇബ്രാഹിംകുഞ്ഞ് നിര്‍വ്വഹിച്ചു. എറണാകുളം ജില്ലയില്‍ ആലുവ മുനിസിപ്പാലിറ്റിയില്‍ ആണ് നികുതി ഇ-പെയ്മെന്റ് സംവിധാനം ആദ്യമായി നടപ്പാക്കിയത്. ആദ്യ ഘട്ടത്തില്‍ കെട്ടിട നികുതിയാണ് ഇ-പെയ്മെന്റ് ആയി അടക്കാന്‍ കഴിയുക. തൊഴില്‍ നികുതി, കെട്ടിട വാടക എന്നിവ ഇ-പെയ്മെന്റ് വഴി അടയ്ക്കുന്നതിനുള്ള സംവിധാനം താമസിയാതെ നിലവില്‍ വരും. 

ഹോസ്പിറ്റല്‍ കിയോസ്ക് സംവിധാനം 430 ആശുപത്രികളില്‍

ജനനമോ മരണമോ റിപ്പോര്‍ട്ട് ചെയ്തു കഴിഞ്ഞാല്‍ 24 മണിക്കൂറിനകം തദ്ദേശ സ്ഥാപനങ്ങളില്‍ രജിസ്റ്റര്‍ ചെയ്യുന്നതിനും സെക്ഷന്‍ 12 പ്രകാരമുള്ള സര്‍ട്ടിഫിക്കറ്റ് ആശുപത്രി വഴി തന്നെ ബന്ധുക്കള്‍ക്ക് ലഭ്യമാക്കാനും കഴിയുന്ന ഓണ്‍ലൈന്‍ റിപ്പോര്‍ട്ടിംഗ് സംവിധാനമാണ്  ഹോസ്പ്പിറ്റല്‍ കിയോസ്കുകള്‍. സംസ്ഥാനത്ത് ഇന്ന് 118 തദ്ദേശ സ്ഥാപനങ്ങളിലേക്ക് 430 ഹോസ്പിറ്റലുകളില്‍ നിന്ന് ജനന മരണ വിവരങ്ങളുടെ ഓണ്‍ ലൈന്‍ റിപ്പോര്‍ട്ടിംഗ് ഹോസ്പിറ്റല്‍ കിയോസ്ക് വഴി നടന്നു വരുന്നു.

പങ്കാളിത്ത പഠനവുമായി ഇ ഗവേര്‍ണന്‍സ് പരിശീലനങ്ങള്‍

തദ്ദേശഭരണ സ്ഥാപനങ്ങളുടെ കമ്പ്യൂട്ടര്‍വല്ക്കരണത്തിന്റെ ഏറ്റവും പ്രധാനമായ ഘടകം ഉദ്യോഗസ്ഥര്‍ക്കും ജനപ്രതിനിധികള്‍ക്കുമുള്ള ഇ ഗവേര്‍ണന്‍സ് പരിശീലനങ്ങളാണ്.  തദ്ദേശസ്വയംഭരണവകുപ്പ്‌, ഇന്‍ഫര്‍മേഷന്‍ കേരള മിഷന്, കില, പഞ്ചായത്ത് ഡയറക്ടറേറ്റ്‌ എന്നിവയുടെ സംയുക്ത പ്രവര്‍ത്തനമായാണ് ഇപ്പോള്‍ പരിശീലനങ്ങള്‍ നടന്നുവരുന്നത്. നഗരസഭകളില്‍ നഗരകാര്യവകുപ്പും, ബ്ലോക്ക്‌ പഞ്ചായത്തുകളില്‍ ഗ്രാമവികസനവകുപ്പും പരിശീലനത്തില്‍ പ്രധാന പങ്കു വഹിക്കുന്നു.  പരിശീലന നടത്തിപ്പിന്റെ ഉത്തരവാദിത്തം കിലയാണ് നിര്‍വഹിക്കുന്നത്.

സങ്കേതം - കെട്ടിട നിര്‍മ്മാണ പെര്‍മിറ്റുകള്‍ കൈകാര്യം ചെയ്യുന്നതിനുള്ള ആപ്ലിക്കേഷന്‍

കെട്ടിട നിര്‍മ്മാണ പെര്‍മിറ്റുകള്‍ കൈകാര്യം ചെയ്യുന്നതിനുള്ള സങ്കേതം ആപ്ലിക്കേഷനില്‍ ആര്‍ക്കിടെക്ച്ചര്‍ രജിസ്ട്രേഷനും കെട്ടിട പെര്‍മിറ്റിനും വേണ്ടി അപേക്ഷ സമര്‍പ്പിക്കുന്നതിനുള്ള ഇ-ഫയലിംഗ് സംവിധാനം കൂടി ഉള്‍പ്പെടുത്തി വികസിപ്പിക്കുകയും ചെക്ക്ലിസ്റ്റ് ഓട്ടോമാറ്റ് ചെയ്യുകയും ചെയ്തിട്ടുണ്ട്.  നവീകരിച്ച ആപ്ലിക്കേഷന്‍ പൈലറ്റ് അടിസ്ഥാനത്തില്‍ എറണാകുളം ജില്ലയിലെ കളമശ്ശേരി മുനിസിപ്പാലിറ്റിയില്‍ വിന്യസിപ്പിച്ചിട്ടുണ്ട്. സൂചിക (ഫയല്‍ ട്രാക്കിംഗ്), സാംഖ്യ (ഡബിള്‍ എന്‍ട്രി അക്കൗണ്ടിംഗ്) എന്നീ ആപ്ലിക്കേഷനുകളുമായി സംയോജിച്ചാണ് സങ്കേതം പ്രവര്‍ത്തിച്ചുവരുന്നത്.

റവന്യൂ സിസ്റ്റം - സഞ്ചയ

ഇന്‍ഫര്‍മേഷന്‍ കേരളാ മിഷന്‍ വികസിപ്പിച്ചിട്ടുള്ള വെബ് അധിഷ്ഠിത സഞ്ചയ ആപ്ലിക്കേഷന്‍ സോഫ്റ്റ്വെയറിലൂടെ (www.tax.lsgkerala.gov.in), കോഴിക്കോട്, കൊല്ലം, തിരുവനന്തപുരം എന്നീ കോര്‍പ്പറേഷനുകളിലും, കാസര്‍കോഡ്, കാഞ്ഞങ്ങാട്, ഒറ്റപ്പാലം, മട്ടന്നൂര്‍ എന്നീ മുനിസിപ്പാലിറ്റികളിലും, മഞ്ചേശ്വരം, തുമ്പമണ്‍, കുമ്പള എന്നീ ഗ്രാമപഞ്ചായത്തുകളിലും കെട്ടിട നികുതി ഓണ്‍ലൈനായി  ഒടുക്കുന്നതിനുള്ള ഇ-പേയ്മെന്‍റ് സൗകര്യം ലഭ്യമാണ്.  മുന്‍കാല വിവരങ്ങളുടെ ഡേറ്റാബേസ് പൂര്‍ത്തിയാകുന്ന മുറയ്ക്ക് മറ്റ് തദ്ദേശഭരണസ്ഥാപനങ്ങളിലും ഈ സൗകര്യം വ്യാപിപ്പിക്

ജനന രജിസ്ട്രേഷന്‍ ഇമ്മ്യൂണൈസേഷന്‍ ഷെഡ്യൂള്‍ - എസ്.എം.എസ് അലര്‍ട്ടിലൂടെ

തദ്ദേശഭരണസ്ഥാപനങ്ങളുടേയും നാഷണല്‍ റൂറല്‍ ഹെല്‍ത്ത് മിഷന്‍റേയും ആശുപത്രികളുടേയും സഹായത്തോടെ ഐ.കെ.എമ്മിന്‍റെ സാങ്കേതിക വിദ്യ ഉപയോഗിച്ചാണ് ഈ സംവിധാനം നടപ്പാക്കുന്നത്.  ജനന-മരണ-വിവാഹ രജിസ്ട്രേഷന്‍ സംബന്ധമായ വിവരങ്ങളും നവജാത ശിശുക്കളുടെ  പ്രതിരോധ കുത്തിവെയ്പ്പ് സംബന്ധമായ വിവരങ്ങളും മൊബൈല്‍ ഫോണ്‍ എസ്.എം.എസിലൂടെ നല്‍കുന്നതിനുള്ള സംവിധാനം ഉള്‍പ്പെടുത്തിക്കൊണ്ടുള്ള സോഫ്റ്റ്വെയര്‍ നഗരസഭകളിലും ആശുപത്രികളിലും വിന്യസിച്ചിട്ടുണ്ട്. ബന്ധപ്പെട്ടവരുടെ മൊബൈല്‍ നമ്പര്‍ ഇതില്‍ രേഖപ്പെടുത്താന്‍ കഴിയുന്നതാണ്.

കട്ടപ്പന ഗ്രാമപഞ്ചായത്തില്‍ ഇ-ഗവേര്‍ണന്‍സ് സേവനങ്ങള്‍ ഉദ്ഘാടനം ചെയ്തു

ഇടുക്കി ജില്ലയിലെ ആദ്യ ഇ-പേയ്മെന്റ് പഞ്ചായത്തിന്റെ ഉദ്ഘാടനം, ഇ-ഗവേര്‍ണന്‍സ് സേവനങ്ങളുടെ ഉദ്ഘാടനം, സമ്പൂര്‍ണ കമ്പ്യൂട്ടറൈസേഷന്‍ പ്രഖ്യാപനം എന്നിവ കട്ടപ്പന പഞ്ചായത്ത് സുവര്‍ണ്ണ ജൂബിലിയോട് അനുബന്ധിച്ച് പഞ്ചായത്ത് സാമൂഹിക ക്ഷേമ വകുപ്പ് മന്ത്രി ഡോ.എം.കെ മുനീര്‍ ഇ-പേയ്മെന്‍റ് രസീത് പ്രിന്‍റ് എടുത്ത് നിര്‍വഹിച്ചു.

ഗ്രാന്‍റ് കേരള ഷോപ്പിംഗ് ഫെസ്റ്റിവല്‍ - ഓണ്‍ലൈന്‍ രജിസ്ട്രേഷന്‍

അക്ഷയ സെന്‍ററുകള്‍ വഴിയുള്ള ഗ്രാന്‍റ് കേരള ഷോപ്പിംഗ് ഫെസ്റ്റവല്‍ ഓണ്‍ലൈന്‍ രജിസ്ട്രേഷന്‍  ഐ.കെ.എം -ന്‍റെ സാങ്കേതിക സഹായത്തോടെ ആരംഭിച്ചു. സില്‍വര്‍, ഗോള്‍ഡ് കാറ്റഗറികളില്‍ രജിസ്റ്റര്‍ ചെയ്യുന്ന വ്യാപാരികള്‍ക്കാണ് ഓണ്‍ലൈന്‍ രജിസ്ട്രേഷന്‍ സൗകര്യം ലഭ്യമാക്കിയിട്ടുള്ളത്. ഇന്‍ഫര്‍മേഷന്‍ കേരളാ മിഷന്‍റെ പേയ്മെന്‍റ് ഗേറ്റ്വേ സാങ്കേതികതയാണ് ഇതിനു പ്രയോജനപ്പെടുത്തുന്നത്. വ്യാപാര സ്ഥാപനങ്ങള്‍ക്ക് നെറ്റ് ബാങ്കിംഗ്/ക്രെഡിറ്റ് കാര്‍ഡ്/ഡെബിറ്റ് കാര്‍ഡ് വഴി പേയ്മെന്‍റ് ഗേറ്റ്വേ സംവിധാനം പ്രയോജനപ്പെടുത്താവുന്നതാണ്.

വെബ് അധിഷ്ഠിത സുലേഖ സോഫ്റ്റ്വെയര്‍

കഴിഞ്ഞ രണ്ട് പഞ്ചവത്സര പദ്ധതി കാലങ്ങളിലായി സംസ്ഥാനത്തെ തദ്ദേശഭരണ സ്ഥാപനങ്ങളുടെ വാര്‍ഷിക പദ്ധതികള്‍ ഇന്‍ഫര്‍മേഷന്‍ കേരളാ മിഷന്‍ (ഐ.കെ.എം) വികസിപ്പിച്ചെടുത്ത സുലേഖ സോഫ്റ്റ്വെയര്‍ ഉപയോഗിച്ചാണ് മോണിട്ടര്‍ ചെയ്ത് വരുന്നത്. ഈ അനുഭവം മുന്‍നിര്‍ത്തി, പന്ത്രണ്ടാം പഞ്ചവത്സര പദ്ധതി മുതല്‍ പദ്ധതി രൂപീകരണം മുതല്‍ നിര്‍വ്വഹണം വരെയുള്ള വിവിധ ഘട്ടങ്ങള്‍ ഓണ്‍ലൈനായി നടപ്പാക്കുന്നതിന് വെബ് അധിഷ്ഠിത സുലേഖ സോഫ്റ്റ് വെയര്‍ തദ്ദേശഭരണ സ്ഥാപനങ്ങളില്‍ വിന്യസിപ്പിച്ച് പ്രവര്‍ത്തനമാരംഭിച്ചു കഴിഞ്ഞു. ഇതിന്‍റെ സംസ്ഥാന തല ഉദ്‌ഘാടനം ബഹു.

പന്ത്രണ്ടാം പഞ്ചവത്സര പദ്ധതി വിവരങ്ങള്‍ ഓണ്‍ലൈന്‍ ആയി നല്‍കുന്നതിനുള്ള സംവിധാനത്തിന്‍റേയും ഡിജിറ്റല്‍ സൂപ്പര്‍ ഹൈവേ സാധ്യമാക്കിയതിന്‍റേയും ഉദ്ഘാടനം

പന്ത്രണ്ടാം പഞ്ചവത്സര പദ്ധതിയുടെ ഭാഗമായി തദ്ദേശഭരണസ്ഥാപനങ്ങളുടെ പദ്ധതി രൂപീകരണം, അംഗീകാരം, നിര്‍വ്വഹണം, പുരോഗതി രേഖപ്പെടുത്തല്‍ തുടങ്ങിയ മുഴുവന്‍ പ്രക്രിയകളും ഈ വര്‍ഷം മുതല്‍ ഇന്‍ഫര്‍മേഷന്‍ കേരള മിഷന്‍ വികസിപ്പിച്ച സുലേഖ സോഫ്റ്റ്വെയര്‍ വഴി പൂര്‍ണ്ണമായും ഓണ്‍ലൈനായി (www.plan.lsgkerala.gov.in) സാധ്യമാകുന്നതിന്‍റെയും,  സംസ്ഥാനത്തെ തദ്ദേശഭരണ സ്ഥാപനങ്ങളെ തമ്മില്‍ ബന്ധിപ്പിക്കുന്ന ഡിജിറ്റല്‍ സൂപ്പര്‍ ഹൈവേ  സ്ഥാപിക്കുന്നതിന്‍റെയും ഉദ്ഘാടനം ബഹു.

Pages

Subscribe to IKM Blog RSS


Main menu 2