സംസ്ഥാന വിവര സാങ്കേതിക മിഷന്റെയും ഇന്‍സ്റ്റിറ്റ്യൂട്ട് ഓഫ് മാനേജ്‌മന്റ്‌ ഇന്‍ ഗവണ്‍‌മെന്റിന്റെയും ആഭിമുഖ്യത്തിലുള്ള സംസ്ഥാന ഇ-ഗവേണന്‍സ് അവാര്‍ഡ് വ്യവസായ ഐ.ടി വകുപ്പുമന്ത്രി ശ്രീ. പി.കെ. കുഞ്ഞാലിക്കുട്ടി 2014 നവംബര്‍‍ 12 രാവിലെ 11.30 ന് തിരുവനന്തപുരം ഐ എം ജി യിലെ പത്മം ഓഡിറ്റോരിയത്തില്‍ വിതരണം ചെയ്തു.

പാലക്കാട്  ജില്ലയിലെ ആദ്യത്തെ കടലാസ്‌ രഹിത പഞ്ചായത്ത്‌ ഓഫീസ്‌ എന്ന ഖ്യാതിയുമായി  പൊല്‍പ്പുള്ളി: ബ്ലോക്ക്‌ ഓഫീസ് ഉള്‍പ്പെടെ കമ്പ്യൂട്ടര്‍ വല്‍ക്കരണം പൂര്‍ത്തിയാക്കിയ ജില്ലയിലെ ആദ്യത്തെതും  സംസ്ഥാനത്തെ മൂന്നാമത്തേതുമായ  പഞ്ചായത്താണ് പൊല്‍പ്പുള്ളി ഇന്‍ഫര്‍മേഷന്‍ കേരള മിഷന്റെ ആഭിമുഖ്യത്തില്‍ നടപ്പാക്കുന്ന പഞ്ചായത്തുകളുടെ കമ്പ്യൂട്ടര്‍വല്‍ക്കരണം പൊല്‍പ്പുള്ളി പഞ്ചായത്തില്‍ പൂര്‍ത്തിയായി.പഞ്ചായത്തില്‍ ലഭിക്കുന്ന എല്ലാ അപേക്ഷകളും ഉടന്‍ തന്നെ അതത് സെക്ഷനുകളിലേക്ക് ലഭ്യമാക്കി ജനങ്ങള്‍ക്ക്‌ നല്‍കുന്ന സേവനങ്ങള്‍ സുതാര്യമാക്കുകയാണ് 'സൂചിക ഫയല്‍ ട്രാക്കിംഗ്

പൊതുജനങ്ങള്‍ക്ക് ലഭ്യമാകുന്ന ഇ-സേവനങ്ങള്‍  സംബന്ധിച്ച അവബോധം ജനങ്ങളിലേക്കെത്തിക്കുന്നതിന്‍റെ ഭാഗമായി എറണാകുളം സെന്‍റ് തെരാസസ് കോളേജ്  സംഘടിപ്പിച്ച  ഇ-ജാലകം സെമിനാര്‍ ശ്രദ്ധേയമായി. ആഗസ്റ്റ 5ന് എറണാകുളം സെന്‍റ് തെരാസസ് കോളേജ്  ഇക്കണോമിക്സ് വിഭാഗം സംഘടിപ്പിച്ച ഇ-ജാലകം വര്‍ക്കഷോപ്പില്‍ 20 വിദ്യാര്‍ത്ഥികള്‍ പങ്കെടുത്തു. ഒരു ദിവസം നീണ്ടു നിന്ന  വര്‍ക്ക് ഷോപ്പ് സെന്‍റ് തെരാസസ് കോളേജ് പ്രിന്‍സിപ്പല്‍ ഡോ. വിനിത ഉദ്ഘാടനം ചെയ്തു.

സമ്പൂര്‍ണ്ണ കമ്പ്യൂട്ടര്‍വത്കൃത ഫയല്‍ സംവിധാനത്തിന്‍റെ ഔദ്യോഗിക ഉദ്ഘാടനം 2014 ജൂണ്‍ 14 ശനിയാഴ്ച ഉച്ചകഴിഞ്ഞ് 4 മണിയ്ക്ക് പഞ്ചായത്ത് കമ്മ്യൂണിറ്റി ഹാളില്‍ ഗ്രാമപഞ്ചായത്ത് പ്രസിഡന്‍റ് ശ്രീമതി.ബീന ജോളിയുടെ അദ്ധ്യക്ഷതയില്‍ ചേര്‍ന്ന യോഗത്തില്‍ വച്ച് ബഹു.ജലവിഭവ വകുപ്പ് മന്ത്രി ശ്രീ.പി.ജെ ജോസഫ് നിര്‍വ്വഹിച്ചു.

ഒരു ജില്ലയിലെ മുഴുവന്‍ ജനന മരണ വിവാഹ രജിസ്ട്രേഷന്‍ റെക്കോര്‍ഡുകളും വെബ്സൈറ്റില്‍ ലഭ്യമാക്കുന്ന രാജ്യത്തെ ആഭ്യ ജില്ലയായി മലപ്പുറം. മലപ്പുറം ജില്ലയിലെ നൂറു ഗ്രാമ പഞ്ചായത്തുകളുടെ ജനന-മരണ വിവാഹ രജിസ്ട്രേഷന്‍ മുന്‍കാല വിവരങ്ങളുടെ കമ്പ്യൂട്ടര്‍വല്കരണം പൂര്‍ത്തിയാക്കിയതിനു പിന്നാലെ ജില്ലയിലെ ഏഴു നഗരസഭകളുടെയും ജനന മരണ മുന്‍കാല വിവരങ്ങളുടെ ഡിജിറ്റൈസെഷന്‍ പൂര്‍ത്തിയാക്കി മലപ്പുറം മറ്റൊരു ചരിത്ര നേട്ടം കൈവരിച്ചിരിക്കയാണ്. നഗരസഭകളുടെ എട്ടേമുക്കാല്‍ ലക്ഷം റെക്കോഡുകള്‍ ആണ് പരിശോധന പൂര്‍ത്തിയാക്കി ഡിജിറ്റല്‍ രൂപത്തില്‍ വെബ്സൈറ്റില്‍ ലഭ്യമാക്കിയിരിക്കുന്നത്.