Jump to Navigation

കണ്ണൂര്‍ മുനിസിപ്പാലിറ്റിയിലും, താനൂര്‍പഞ്ചായത്തിലും വസ്തുനികുതി ഇ- പേമെന്‍റ് സംവിധാനം

കണ്ണൂര്‍  നഗരസഭയിലും മലപ്പുറം ജില്ലയിലെ താനൂര്‍ ഗ്രാമ പഞ്ചായത്തിലും  വസ്തു നികുതി ഓണ്‍ലൈന്‍ വഴി അടക്കാവുന്ന സംവിധാനം യാഥാര്‍ത്ഥ്യമായിരിക്കുകയാണ്. ഇതോടു കൂടെ സംസ്ഥാന വ്യാപകമായി 19 തദ്ദേശ സ്ഥാപനങ്ങളിലേക്ക്  ഇ-പെയ്മെന്‍റ് സംവിധാനത്തിലൂടെ വസ്തുനികുതി ഒടുക്കുവാന്‍ കഴിയും. ഇന്‍ഫര്‍മേഷന്‍ കേരള മിഷന്റെ സാങ്കേതിക സഹായത്തോടുകൂടിയാണ് തദ്ദേശ സ്ഥാപനങ്ങള്‍ ഈ നേട്ടം കൈവരിച്ചത്. ഇ-പേമെന്‍റ് സംവിധാനം നിലവില്‍ വന്ന തദ്ദേശ സ്ഥാപനങ്ങള്‍

പഞ്ചായത്ത് ടെക്നിക്കല്‍ അസിസ്റ്റന്റുമാര്‍ക്കുള്ള സാങ്കേതിക പരിശീലനം – മലപ്പുറം ജില്ല

മലപ്പുറം ജില്ലയിലെ പഞ്ചായത്ത് ടെക്നിക്കല്‍ അസിസ്റ്റന്റുമാര്‍ക്കുള്ള സാങ്കേതിക പരിശീലനം13.07.2013 ന് രാവിലെ 10 മണിയ്ക്ക് ബഹു. ഡിസ്ട്രിക്ട് പ്ലാനിംഗ് ഓഫീസര്‍ (മലപ്പുറം) ശ്രീ. പി.ശശികുമാര്‍ മലപ്പുറം ശിക്ഷക് സദനില്‍ വച്ച് ഉദ്ഘാടനം ചെയ്തു. 13.07.2013 മുതല്‍ 24.07.2013 വരെ പന്ത്രണ്ടു ദിവസത്തെ പരിശീലനം ഉണ്ടായിരിക്കും.

ചേര്‍ത്തല തെക്ക്‌ ഗ്രാമപഞ്ചായത്ത് - ഓണ്‍ലൈന്‍ വിവാഹ രജിസ്ട്രേഷന്‍ - ഉദ്ഘാടനം

ഗ്രൂപ്പ്‌ പേഴ്സണല്‍ ആക്സിഡന്‍റല്‍ ഇന്‍ഷുറന്‍സ് തുക ബഹു: പഞ്ചായത്ത്‌ സാമൂഹ്യനീതി വകുപ്പ് മന്ത്രി ഡോ. എം കെ മുനീര്‍ കൈമാറി.

ഇന്‍ഫര്‍മേഷന്‍ കേരള മിഷന്‍ സേവനത്തിലിരിക്കെ മരണപ്പെട്ട പാലക്കാട് ജില്ലയിലെ ടെക്നിക്കല്‍ അസിസ്റ്റന്‍റായിരുന്ന ശ്രീ ഗോപിനാഥന്‍ സി യുടെ ഗ്രൂപ്പ്‌ പേഴ്സണല്‍ ആക്സിഡന്‍റല്‍ ഇന്‍ഷുറന്‍സ് തുക ബഹുമാനപ്പെട്ട പഞ്ചായത്ത്‌ സാമൂഹ്യനീതി വകുപ്പ് മന്ത്രി ഡോ. എം കെ മുനീര്‍ 2013 ജൂണ്‍ 20 ന് രാവിലെ 11 മണിക്ക് ഐ കെ എം അങ്കണത്തില്‍ വച്ച് നടന്ന ചടങ്ങില്‍ മാതാപിതാക്കള്‍ക്ക് കൈമാറി.

തദ്ദേശഭരണസ്ഥാപനങ്ങളില്‍ പൊതു വിവാഹ രജിസ്ട്രേഷനു വേണ്ടിയുള്ള ഇ-ഫയലിംഗ് സംവിധാനം പൂര്‍ണ്ണതയിലേയ്ക്ക്

സിവില്‍ രജിസ്ട്രേഷന്‍ വെബ്സൈറ്റില്‍ (www.cr.lsgkerala.gov.in) പൊതു വിവാഹ രജിസ്ട്രേഷനു വേണ്ടിയുള്ള അപേക്ഷാ ഫോറം സമര്‍പ്പിക്കുന്നതിനും, വിവാഹം  കഴിഞ്ഞ് മണിക്കൂറുകള്‍ക്കകം തദ്ദേശഭരണ സ്ഥാപനത്തില്‍ നേരിട്ട് ഹാജരായി രജിസ്റ്റര്‍ ചെയ്ത് സര്‍ട്ടിഫിക്കറ്റ് കരസ്ഥമാക്കുന്നതിനുമുള്ള ഇ-ഫയലിംഗ് സംവിധാനം കേരളത്തിലെ 1024 (98.18%) രജിസ്ട്രേഷന്‍ യൂണിറ്റുകളില്‍ നിലവിലുണ്ട്.

ചേലേമ്പ്ര ഗ്രാമപഞ്ചായത്ത്‌ - ജനന-മരണ-വിവാഹ രജിസ്ട്രേഷന്‍ - ഓണ്‍ലൈന്‍ പ്രഖ്യാപനം

online_inauguration

ചേലേമ്പ്ര ഗ്രാമപഞ്ചായത്ത്‌ ജനന- മരണ -വിവാഹ രജിസ്ട്രേഷന്‍ വെബ് അധിഷ്ഠിതമാക്കിയതിന്റേയും ഓണ്‍ ലൈന്‍ സേവനങ്ങളുടേയും ഉദ്ഘാടനം പഞ്ചായത്ത്‌ കോണ്‍ഫറന്‍സ് ഹാളില്‍ 09.05.2013 രാവിലെ 11 മണിക്ക് നടന്ന യോഗത്തില്‍ ബഹു: മലപ്പുറം ജില്ലാ പഞ്ചായത്ത്‌ ക്ഷേമകാര്യ സ്റ്റാന്റിംഗ് കമ്മിറ്റി ചെയര്‍ പേഴ്സണ്‍ ശ്രീമതി ടി.വനജ ടീച്ചര്‍ നിര്‍വഹിച്ചു.ബഹു : ചേലേമ്പ്ര ഗ്രാമപഞ്ചായത്ത്‌ പ്രസിഡന്റ് ശ്രീമതി കെ പി ഷാഹിന അദ്ധ്യക്ഷത വഹിച്ചു.പ്രഖ്യാപനം ബഹു: മലപ്പുറം പഞ്ചായത്ത്‌ ഡെപ്യൂട്ടി ഡയറക്ടര്‍ ശ്രീ സി. എന്‍ . ബാബു നിര്‍വഹിച്ചു.

കൊണ്ടോട്ടി ഗ്രാമ പഞ്ചായത്ത് - ജനന-മരണ-വിവാഹ രജിസ്ട്രേഷന്‍ സര്‍ട്ടിഫിക്കറ്റുകള്‍ ഓണ്‍‌ലൈന്‍ പ്രഖ്യാപനം

കൊണ്ടോട്ടി ഗ്രാമപഞ്ചായത്തിലെ ജനന-മരണ-വിവാഹ രജിസ്ട്രേഷന്‍ സര്‍ട്ടിഫിക്കറ്റുകള്‍ ഓണ്‍‌ലൈന്‍ പ്രഖ്യാപനം കൊണ്ടോട്ടി എം എല്‍ എ കെ.മുഹമ്മദുണ്ണി ഹാജി 08.05.2013-നു നിര്‍വഹിച്ചു.

തദ്ദേശഭരണസ്ഥാപനത്തില്‍ പൊതു വിവാഹ രജിസ്ട്രേഷനു വേണ്ടിയുള്ള ഇ-ഫയലിംഗ് സംവിധാനം പൂര്‍ണ്ണതയിലയ്ക്ക്

www.cr.lsgkerala.gov.in എന്ന വെബ്സൈറ്റില്‍ പൊതു വിവാഹ രജിസ്ട്രേഷനു വേണ്ടിയുള്ള അപേക്ഷാ ഫോറം സമര്‍പ്പിക്കുന്നതിനും, വിവാഹം കഴിഞ്ഞ് മണിക്കൂറുകള്‍ക്കകം തദ്ദേശഭരണസ്ഥാപനത്തില്‍ നേരിട്ട് ഹാജരായി രജിസ്റ്റര്‍ ചെയ്ത് സര്‍ട്ടിഫിക്കറ്റ് കരസ്ഥമാക്കുന്നതിനുമുള്ള ഇ-ഫയലിംഗ് സംവിധാനം കേരളത്തിലെ 1007 രജിസ്ട്രേഷന്‍ യൂണിറ്റുകളില്‍ നിലവിലുണ്ട്. 36 തദ്ദേശഭരണസ്ഥാപനങ്ങളില്‍ക്കൂടെ ഈ സംവിധാനം നിലവില്‍ വരുന്നതോടു കൂടെ തദ്ദേശഭരണസ്ഥാപനത്തില്‍ പൊതു വിവാഹ രജിസ്ട്രേഷനു വേണ്ടിയുള്ള ഇ-ഫയലിംഗ് സംവിധാനം പൂര്‍ണ്ണതയിലേയ്ക്കെത്തുന്നതാണ്

തദ്ദേശഭരണസ്ഥാപനങ്ങളിലും 100% കണക്റ്റിവിറ്റി

മുഴുവന്‍ തദ്ദേശഭരണസ്ഥാപനങ്ങളിലും 100% കണക്റ്റിവിറ്റി നല്‍കി കമ്പ്യൂട്ടര്‍ ശൃംഖലയിലൂടെ കോര്‍ത്തിണക്കി, ത്രിതല പഞ്ചായത്തുകളുടെ പ്രധാനപ്പെട്ട എല്ലാ സേവനങ്ങളും വെബ് വഴി നല്‍കുന്നതിനുള്ള സൗകര്യം പൂര്‍ണ്ണമായി വരുന്നു. നിലവില്‍ ഒരു ഗ്രാമപഞ്ചായത്ത് ഒഴിച്ച് 1208 തദ്ദേശഭരണസ്ഥാപനങ്ങളിലും ഈ ഉദ്യമം പൂര്‍ത്തിയായിട്ടുണ്ട്. തദ്ദേശഭരണ സ്ഥാപനതലത്തില്‍ മതിയായ പരിശീലനവും കൈത്താങ്ങും നല്‍കി ജീവനക്കാരെ വിശ്വാസത്തിലെടുത്ത് അവരിലൂടെ ഇ-ഗവേണന്‍സ് സാധ്യമാക്കി കടലാസ് രഹിത ആഫീസ് എന്ന ആശയത്തിലേയ്ക്ക് കടക്കുകയാണ് ഇന്‍ഫര്‍മേഷന്‍ കേരളാ മിഷന്റെ പ്രവര്‍ത്തനങ്ങള്‍ .

അക്രൂവല്‍ അടിസ്ഥാനമാക്കിയുള്ള അക്കൗണ്ടിംഗ് ആപ്ലിക്കേഷന്‍ സോഫ്റ്റ്വെയര്‍ (സാംഖ്യ)

അക്രൂവല്‍ അടിസ്ഥാനമാക്കിയുള്ള അക്കൗണ്ടിംഗ് ആപ്ലിക്കേഷന്‍ സോഫ്റ്റ്വെയര്‍ (സാംഖ്യ) സംസ്ഥാനത്ത് ഇടുക്കി ജില്ലയിലെ 5 ഗ്രാമ പഞ്ചായത്തുകളിലൊഴികെ 1204 തദ്ദേശഭരണസ്ഥാപനങ്ങളിലും നടപ്പിലാക്കി. കേരളത്തിലെ എല്ലാ തദ്ദേശഭരണസ്ഥാപനങ്ങളിലും അക്രൂവല്‍ അടിസ്ഥാന ഡബിള്‍ എന്‍ട്രി അക്കൗണ്ടിംഗ് നടപ്പാക്കിയ ഇന്ത്യയിലെ പ്രഥമ സംസ്ഥാനം എന്ന ബഹുമതി കേരളം മേയ് മാസം തന്നെ കേരളം കൈവരിക്കുന്നതാണ്.

Pages

Subscribe to IKM Blog RSS


Main menu 2