Sevana

അഞ്ചു തെങ്ങ് ഗ്രാമപഞ്ചായത്തിലെ ജനന-മരണ-വിവാഹ രജിസ്ട്രേഷന്‍ റിക്കാര്‍ഡുകളുടെ ഡിജിറ്റലൈസേഷന്‍ പൂര്‍ത്തീകരിച്ച് ഓണ്‍ലൈന്‍ സര്‍ട്ടിഫിക്കറ്റ് ലഭ്യമാക്കുന്ന സേവനസിവില്‍ രജിസ്ട്രേഷന്‍ സംവിധാനം ഗ്രാമ പഞ്ചായത്ത് പ്രസിഡണ്ട് ശ്രീ ഷൈജു ശിവന്‍ നിര്‍വ്വഹിച്ചു

മലപ്പുറം ജില്ലയിലെ കീഴുപറമ്പ് ഗ്രാമപഞ്ചായത്തില്‍ ജനന-മരണ-വിവാഹ രജിസ്ട്രേഷനുകളുടെ ഓണ്‍ലൈന്‍ സര്‍ട്ടിഫിക്കറ്റ് വിതരണ ഉദ്ഘാടനം ഏറനാട് നിയോജകമണ്ഡലം എം എല്‍ എ ശ്രീ.പി.കെ.ബഷീര്‍ സാഹിബ് 31.12.2012നു നിര്‍വ്വഹിച്ചു.

കല്‍പകഞ്ചേരി ഗ്രാമപഞ്ചായത്തിലെ 1971 മുതലുള്ള ജനന-മരണ-വിവാഹ രജിസ്ട്രേഷന്‍ ഓണ്‍ലൈന്‍ പ്രഖ്യാപനം എം എല്‍ എ ശ്രീ.സി.മമ്മൂട്ടി, 2012 ഡിസംബര്‍ 7-ന് പഞ്ചായത്ത് കോണ്‍ഫറന്‍സ് ഹാളില്‍ വെച്ച് നിര്‍വ്വഹിച്ചു.

മലപ്പുറം ജില്ലയിലെ കീഴാറൂര്‍ കമാനം മൈത്രി ആഡിറ്റോറിയത്തില്‍ വച്ചു നടന്ന റമീസിന്റെയും സിന്‍ഷയുടെയും വിവാഹ രജിസ്ട്രേഷനാണ് മണിക്കൂറുകള്‍ക്കുള്ളില്‍ പൂര്‍ത്തീകരിച്ച്‌ കീഴാറൂര്‍ ഗ്രാമപഞ്ചായത്ത് മാതൃക കാണിച്ചത്‌. 2012 ഡിസംമ്പര്‍ 27 ഉച്ചയ്ക്ക് 1.15 നു നടന്ന വിവാഹം 3:30 ന് വധൂ വരന്മാര്‍ ഗ്രാമപഞ്ചായത്തില്‍ എത്തി റിപ്പോര്‍ട്ട്‌ ചെയ്തു. ഒരു മണിക്കൂറിനകം വിവാഹ രജിസ്ട്രേഷന്‍ നടപടികള്‍ പൂര്‍ത്തിയാക്കി വൈകുന്നേരം 4.30 ന് കീഴാറൂര്‍ ഗ്രാമപഞ്ചായത്ത് സെക്രട്ടറി വധൂവരന്മാര്‍ക്ക് വിവാഹ സര്‍ട്ടിഫിക്കറ്റ് കൈമാറി.

അപേക്ഷകളുടെ രജിസ്ട്രേഷനും നടപടികളുമടങ്ങുന്ന മെസേജ് അപേക്ഷകരുടെ മൊബൈല്‍ ഫോണുകളില്‍ നല്‍കുന്ന സംവിധാനം ഐ.കെ.എം -ന്‍റെ സഹകരണത്തോടെ ചെറുന്നിയൂര്‍ ഗ്രാമപഞ്ചായത്തില്‍ നിലവില്‍ വന്നു. ഈ സംവിധാനത്തോടൊപ്പം പഞ്ചായത്തില്‍ അപേക്ഷകളുടെ ഇ-ഫയലിങ്ങും ഏര്‍പ്പെടുത്തിട്ടുണ്ട്. ഇ-ഫയലിംഗിലൂടെ സമര്‍പ്പിക്കുന്ന അപേക്ഷകള്‍ രജിസ്റ്റര്‍ ചെയ്യുന്ന ദിവസം ലഭിക്കുന്ന മെസേജിന്‍റെ അടിസ്ഥാനത്തില്‍, യഥാര്‍ത്ഥ രേഖകളുമായി ഗ്രാമപഞ്ചായത്ത് ഓഫീസില്‍ സെക്രട്ടറിയുടെ മുന്നില്‍ ഒപ്പിട്ടു പോകാന്‍ കഴിയുന്നതാണ്.